మోదకొండమ్మ జాతర పోస్టర్ను ఆవిష్కరించిన ఎమ్మెల్యే

📰 Generate e-Paper Clip

మాడుగుల: జయజయహే : ఉత్తరాంధ్ర ఆరాధ్య దైవం, మాడుగుల ప్రాంత ఇలవేల్పు శ్రీ మోదకొండమ్మ వారి జాతర జూన్ మూడో తేదీన నిర్వహించనున్నారు. ఇందుకు సంబంధించిన ఉత్సవ పోస్టర్ను గురువారం స్థానిక ఎమ్మెల్యే బండారు సత్యనారాయణమూర్తి పంచాయతీరాజ్ అతిధి గృహం వద్ద ఆవిష్కరించారు. ఈ సందర్భంగా ఆయన మాట్లాడుతూ ప్రతి ఏడాది ఎంతో ప్రతిష్టాత్మకంగా నిర్వహించే అమ్మవారి జాతరను ఈ ఏడాది కూడా అత్యంత వైభవంగా నిర్వహించేందుకు ఆలయ కమిటీ ప్రత్యేక చర్యలు చేపట్టాలని సూచించారు. అలాగే జాతరలో వచ్చే భక్తులకు అసౌకర్యం కలగకుండా చూడాలని చెప్పారు. ప్రజలంతా ఉత్సవాన్ని ఇచ్చే ప్రయత్నం చేసే విధంగా కమిటీ వారికి సహకరించాలని విజ్ఞప్తి చేశారు. ఈ కార్యక్రమంలో ఆలయ కమిటీ అధ్యక్షుడు పుప్పాల అప్పలరాజు, సభ్యులు డి సూర్యరావు ఎస్ శ్రీనివాసరావు బీహెచ్ పైడి నాయుడు, ఎంపీపీ రాజారాం, గ్రామ సర్పంచ్ ఎడ్ల కళావతి, ఉప సర్పంచ్ జె వరహాలు కూటమి నాయకులు పాల్గొన్నారు